Ramazan halyqtyń yrysyn arttyryp, yntymaǵyn nyǵaıtatyn aı – Máýlen Áshimbaev
«Elimizdegi barsha musylman qaýymdy qasıetti Ramazan aıynyń bastalýymen quttyqtaımyn! Ramazan – tózimdiliktiń, berekeniń jáne rýhanı jańarýdyń aıy. Shyn máninde, osy otyz kúnde sabyrlyq, keshirimdilik, meıirimdilik sııaqty asyl qasıetter keńinen dáripteledi. Kómekke zárý jandarǵa demeý bolatyn izgi amaldar da osy aıda kóbirek qolǵa alynady. Sondyqtan Ramazandy halyqtyń yrysyn arttyryp, yntymaǵyn nyǵaıtatyn aı dep qabyldaımyz», – dep jazdy Senat tóraǵasy Facebook paraqshasynda.
Sonymen qatar ol pandemııaǵa baılanysty sońǵy eki jyl qatarynan oraza kezinde túrli shekteýlerdiń bolǵanyn atap ótedi.
«Bıyl indettiń beti qaıtyp, meshitterge emin-erkin barýǵa múmkindik týyp otyr. Bul qazaqstandyq musylmandar úshin úlken qýanysh ekeni sózsiz. Qasıetti aıdyń kelýimen quttyqtaı otyryp, nıet etken jandarǵa ustaǵan orazalaryńyz qabyl bolsyn deımin. Ár shańyraqqa shattyq, amandyq jáne bereke tileımin. Elimiz aman, jurtymyz tynysh bolsyn. Oraza qabyl bolsyn!», – dedi Máýlen Áshimbaev.
