Ramazan boıy Paıǵambar (s.ǵ.s.) shapanyn kórý múmkindigi bar
ASTANA. 16 shilde. QazAqparat - Túrkııa musylmandary ardaqty Muhammed Paıǵambarymyzdan qalǵan shapandy Ystambuldaǵy «Hyrka-ı Sherıf» meshitinde tamashalaı alady, dep habarlaıdy «Anadolý» agenttigi.
Bul qasıetti jádigerdi búgingi kúnge deıin al-Karanı áýleti saqtap kelgen. Kezinde al-Karanı áýletiniń ata-babasyna ardaqty Paıǵambarymyz (s.ǵ.s.) amanat retinde tapsyrǵan eken.
muftyat.kz saıtynyń jazýynsha, kórmeniń resmı ashylýyna Túrkııanyń vıtse-premeri Bekır Bozdag pen Ystambuldyń múftıi Rahmı ıAran qatysty.
Bundaı qasıetti eksponatty musylman qaýymy Ramazan aıy boıy tamashalaı alady.
