Ramazan aıynyń sońyna taman qajylar sany rekordtyq kórsetkishke ıe bolmaq
ASTANA. QazAqparat - Qasıetti Ramazan aıynyń sońyna taman Mekke qalasyna kelgen qajylar sany rekordtyq kórsetkishke ıe bolmaq. Saýd Arabııasynyń Qajylyq mınıstrliginiń boljamy boıynsha, olardyń sany 6 mıllıonnan asyp jyǵylmaq, dep jazady muslim.kz.
«Ramazannyń sońǵy 10 kúninde kelýshilerdiń sany kúrt artady. Biz qajylardyń dinı rásimderdi esh qıyndyqsyz atqarýyna barlyq múmkindikterdi paıdalanatyn bolamyz», - delingen Qajylyq mınıstrliginiń málimdemesinde.
Aıta keteıik, Saýd Arabııa bıligi jaqynda koroldik áleýetin arttyrýǵa baǵyttalǵan «Keleshek-2030» strategııalyq baǵdarlamasyn jarııalaǵan bolatyn. Atalmysh qujatta qajylyq ındýstrııasyn damytý joldary da qarastyrylǵan.
Qazirgi ýaqytta koroldik qazynasyna qajylyq ındýstrııasynan jyl saıyn 12 mlrd. dollar túsip otyrsa, bul kórsetkish 2030 jyly 53 mlrd-tan asyp túspek.
