«Ramazan aıyndaǵy syılyqtar»: Alaıaqtyqtyń jańa túri shyqty
«Qazirgi ýaqytta WhatsApp messendjerinde Halyk atynan alaıaqtyq hattar taratylýda. Habarlamada alaıaqtyq silteme bar. Ony basqan kezde yqtımal jábirlenýshi suraqtarǵa jaýap berip, jeńil utys oıynyna qatysatyn saıtqa ótedi. Al aqshalaı syılyqty alý úshin dostaryńyz ben týystaryńyzǵa siltemesi bar habarlama jiberýińiz kerek», - delingen bank taratqan aqparatta.
Halyk Bank aqparattyq resýrstardy qorǵaý departamentiniń túsindirýinshe, bul taratý fıshıngtik shemanyń biri jáne ony alaıaqtar azamattardyń telefondaryna zııandy baǵdarlamalardy júktep alýy úshin paıdalanady. Olardyń kómegimen shabýyldaýshylar telefondaǵy barlyq aqparatqa, onyń ishinde banktik mobıldi qosymshalarǵa tolyq qol jetkize alady. Osylaısha, qaýipti baǵdarlamany júktep alý kezinde adam óz aqshasyn joǵaltýy múmkin.
Fıshıngti alaıaqtar paıdalanýshylardyń jeke aqparatyn - telefon nómirlerin, jasyn, atyn, sondaı-aq tólem kartalarynyń derekterin (tólem kartasynyń 16 tańbaly nómiri, onyń qoldanylý merzimi, 3 tańbaly CVV kody), banktik mobıldi qosymshalardyń, jeke shottardyń jáne basqa da. logınder men parolderdi jınaý úshin belsendi paıdalanady.
«Eger paıdalanýshy nusqaýlardy oryndap, belgisiz qosymshany ornatsa nemese kúmándi saıtqa tólem kartasynyń málimetterin engizse, qosymsha nusqaýlar alý úshin óz bankine shuǵyl túrde habarlasýy kerek. Halyq banki barynsha qyraǵylyq tanytyp, eńbekpen tapqan aqshańyzdy joǵaltyp alǵansha, jiberilgen aqparatty tekserýge birneshe mınýt jumsaǵan durys ekenin este saqtaýǵa shaqyrady. Barlyq aktsııalar, utys oıyndary men syılyqtar týraly aqparat árqashan banktiń resmı saıtynda jáne onyń áleýmettik jelilerinde ornalastyrylady», - dep eskertedi bankten.
