Ramazan aıynda jaıylǵan eń uzyn dastarhan Gınnestiń rekordtar kitabyna endi
KAIR. QazAqparat - Ramazan aıynda Mysyr astanasy Kaırde 7 myń adamǵa jaıylǵan uzyn ústeldegi dastarhan Gınnes rekortar kitabyn engizildi, dep habarlaıdy QazAqparat tilshisi TASS agenttigine silteme jasap.
Senbi kúni Kaırdaǵy jańa ákimshilikte buqaralyq aýyzashar ótken bolatyn. Qalanyń ortalyq alańynan bastap jaıylǵan dastarhannyń uzyndyǵy 3 shaqyrym 189 metr 83 santımetrge jetken. Osylaısha, Pıramıdalar eli Ádjiman (BAÁ) ámirliginde bir kezde jaıylǵan 2900 metrlik dastarhannan ozyp, rekordty jańartyp otyr.
Gınness rekordy Mysyrda jýyqta taǵy bir márte tirkelgen bolatyn. Mamyr aıynyń ortasynda álemdegi eń keń aspaly kópir qoldanysqa berilgen: Nil arqyly salynǵan alty jolaqty kópirdiń uzyndyǵy 540 metr, eni 67,36 metr. Belgili bolǵandaı, rekord týraly resmı sertıfıkat Kaırge jeksenbide tabystalatyn bolady.
Musylman qaýym úshin qasıetti Ramazan aıy aıaqtalyp kele jatqanyn da aıta ketý kerek. Ramazan aıynyń aıaqtalýymen Oraza aıt kúnderi kele jatyr.
