Ramazan aıynda Qaraǵandy meshitterinde tegin taksı uıymdastyrylady

QARAǴANDY. QazAqparat - Ramazan aıy bastalǵaly Qaraǵandy meshitterinde qaıyrymdylyq aktsııalary ótýde. Oblystyq meshit kópbalaly jáne az qamtylǵan otbasylarǵa azyq-túlik taratyp, kómek kórsetti, dep habarlaıdy QazAqparat tilshisi.

Budan bólek, qalanyń barlyq meshitterinde aýyzasharlar uıymdastyrylýda. Al oǵan keletin júzdegen adamdy úılerine jetkizip salý úshin tegin taksı qyzmetin iske qosý josparlanǵan.

«Meshit árdaıym qaıyrymdylyq sharalaryn uıymdastyryp otyrady. Alaıda musylmandar úshin qasıetti Ramazan aıynda ol sharalardyń sany eki ese ósedi. Jaqsylyq jasaý - Jaratýshynyń aldyndaǵy úlken is,» - dep atap ótti Ánet baba atyndaǵy oblystyq meshittiń saıt redaktory Názıra Baınazarova.

Ramazan - musylmandar úshin qasıetti aı. Quranda aıtylǵandaı, osy qasıetti aıda Oraza tutý ıslam dinindegi bes paryzdyń biri. Bıyl 6 mamyr kúni bastalǵan Ramazan aıy 5 maýsymǵa deıin jalǵasady. Beriletin pitir-sadaqanyń kólemi - 300 teńge.