Ramazan aıynda qaǵbaǵa 7 mıllıon qajy qonaq bolady
ASTANA. QazAqparat - Álem musylmandarynyń qasıetti Ramazan aıy bıyl 29 kúnge sozylady.
Osy ýaqyt aralyǵynda Mekke men Mádına qalalaryna shamamen 7 mıllıon umra qajylyǵyn óteýshi musylman keledi dep josparlanǵan. Bul qajylar qatarynda Qazaqstannan barǵan musylmandar da bar.
Qajylyq jáne umra mınıstrliginiń Mádınadaǵy resmı ókili Mohammed Bedjavıdiń aıtýynsha, bıyl qajylyq vızasynyń basym bóligi Egıpetke - 1 mln 200 myń oryn berilgen. Ekinshi orynda Pákistan - 900 myń, úshinshi Indonezııa - 655 myń vıza.
Munan keıingi qatarda Úndistan, Túrkııa, Iordanııa, Aljır, Malaızııa, Irak pen Ulybrıtanııa elderi bar.
Al Ramazan aıyndaǵy qajylardyń qaýipsizdigine 5 myń qyzmetker jumyldyrylmaq. Qasıetti qos meshit aýyz sý men qolshatyrlarmen jetkilikti deńgeıde qamtamasyz etiledi, dep jazady e-islam.kz.
