Ramazan aıynda elordada tegin avtobýs qatynaıdy

ASTANA. QazAqparat – Ramazan aıyna oraı elordada birqatar baǵdarda tegin avtobýs qatynaıdy, dep habarlaıdy QazAqparat tilshisi.

«22 naýryzdan bastap qasıetti Ramazan aıynda arnaıy tegin baǵdarlar uıymdastyrylady. Sizge yńǵaıly bolý úshin baǵdarlar taraýıh namaz aıaqtalǵannan keıin qala meshitterinen birneshe baǵytta júredi», - delingen City Transportation Systems kompanııasynyń Instagram paraqshasynda jarııalanǵan aqparatta.

Naqtyraq aıtqanda, «Respýblıkalyq Bas meshit» meshitinen júretin avtobýs baǵyty «Tselınnyı» yqsham aýdany, Grebnoı kanal, Respýblıka dańǵyly; «Áziret Sultan» meshitinen júretin avtobýs baǵyty «Spýtnık» sýpermarketi, temir jol vokzaly, «Kóktal-1, 2» turǵyn úı alaby; «Ábý Nasyr ál-Farabı» meshitinen júretin avtobýs baǵyty «Kóktal-1, 2» turǵyn úı alaby, temir jol vokzaly, medıtsınalyq kolledj; «Sádýaqas qajy Gılmanı» meshitinen júretin atvobýs baǵyty «Kóktal-1, 2» turǵyn úı alaby, «Kırpıchnyı» turǵyn úı alaby; «Raqymqyzy Raısa ana» meshitinen júretin avtobýs baǵyty «Rahmet» saýda ortalyǵy arqyly ótedi.

Eske salsaq, bıyl Ramazan aıy 23 naýryzda bastalady.