Ramazan aıynda elorda meshitterinde keshki namaz jamaǵatsyz oqylady

NUR-SULTAN. QazAqparat – Ramazan aıynda elorda meshitterinde keshki namaz jamaǵatsyz oqylady. Sondaı-aq ımamdar aýyzasharǵa qonaq shaqyrýdan bas tartý qajet degen pikirde, dep habarlaıdy Nur-Sultan qalasy ákimdiginiń resmı saıty.

Tótenshe jaǵdaı jáne karantın rejımine baılanysty Ramazan aıy merekesi kezinde qoǵamdyq qaýipsizdikti qamtamasyz etý maqsatynda meshitterde dástúrli keshki taraýyq namazdary, aýyzasharlar ýaqytsha toqtatylady.

Qazaqstan musylmandary dinı basqarmasynyń resmı paraqshalarynda meshit ımamdarynyń qatysýymen Quran oqý boıynsha jáne Ramazan aıynyń basqa da sharalarynyń onlaın-translıatsııalary ótedi. Pitir sadaqany Kaspi.kz qosymshasy arqyly joldaýǵa bolady. 2020 jyly pitir sadaqanyń jan basyna shaqqandaǵy mólsheri – 370 teńge boldy.

Pitir sadaqany durys joldaý nusqaýlyǵymen Qazaqstan musylmandary dinı basqarmasynyń resmı paraqshasynda (muftiyatkz), Nur-Sultan qalasynyń Din máselelerin zertteý ortalyǵynyń paraqshasynda (elorda_cipr) nemese 33-30-30 senim telefony arqyly tanysýǵa bolady. 2020 jyly Ramazan aıy merekesi 24 sáýir men 23 mamyr aralyǵynda ótedi.