Ramazan aıynda baǵany qymbattatqandarǵa aıyppul salynady
ASTANA. QazAqparat - Birikken Arab Ámirlikteriniń Ekonomıka mınıstrligi aldaǵy Ramazan aıynda azyq-túlik baǵasyn tym sharyqtatqandar úshin shara qoldanyp, aıyppul salatyndyqtary jóninde eskertý jarııalady., dep habarlady www.muslim.kz saıty.
Qasıetti Ramazan aıynda Ámirlik aýmaǵynda azyq-túlik baǵasyn arzandatý - jyl saıyn jalǵasyp kele jatqan úrdis. Alaıda, sol úrdisti baǵynbaı, baǵany burynǵysynsha ustap turatyndar nemese tym sharyqtatqandar 100,000 dırhamǵa deıingi kólemde aıyppul tóleıdi.
Mınıstrlik basshylarynyń aıtýynsha, aı boıy bazardaǵy baǵany baqylaıtyn arnaıy ınspektorlar jumys istemek. Sondaı-aq, arzanǵa alyp, qymbatqa satý sekildi alypsatarlyqqa aýyr jaza bary eskertilip, qatań shekteý qoıylýda.
Aıta ketý kerek, ámirliktegi iri saýda ortalyqtary qasıetti Ramazan aıy kezinde azyq-túlik baǵasyn 30-40% tómendetedi.
