Ramazan aıynda BAÁ-de azyq-túlik ónimderi 50% jeńildikpen satylady
ASTANA. 4 shilde. QazAqparat - Birikken Arab Ámirlikteriniń saýda ortalyqtary men ámbebap dúkenderinde azyq-túlik ónimderiniń 60 túrine 50% jeńildik jasalady,
dep habarlaıdy muftyat.kz saıty.
Eldiń Ekonomıka mınıstrliginiń habarlaýynsha, azyq-túlik ónimderiniń basqa túrlerine jeńildik jasalmasa da, Ramazan aıy boıy baǵasy kóterilmeıdi. 50% jeńildik jasalǵan taǵam túrleriniń jıyntyǵyn jergilikti turǵyndar barlyq BAÁ-niń dúkenderinde kezdestire alady.
Sonymen qatar, qaıyrymdylyq mekemeleriniń uıymdastyrýymen 300-500 dırham (1$ - 3,67 BAÁ dırhamyna teń) somasynyń kólemindegi arnaıy kýpondar taratylady. Bul kýponnyń arqasynda jergilikti halyq orazaǵa arnalǵan taǵam ónimderiniń jıyntyǵyn satyp alatyn bolady.
