Ramazan aıynda Almatydaǵy «Taýgúl-3» yqshamaýdany meshiti erekshe shara ótkizip jatyr
ALMATY. 11 tamyz. QazAqparat - Qurandy jatqa biletin musylmandar úshin Almatydaǵy «Taýgúl-3» yqsham aýdany meshitinde Ramazan aıynyń qurmetine oraı erekshe shara ótkizilip jatyr.
Bas ımam Orynbasar Dáýrenbekovtiń aıtýynsha, olar ıslam dinin nasıhattaý maqsatynda quran aıattarynan suraq-jaýap ázirlep, meshitke keletin namazhan jamaǵattyń arasynda taraýıh namazynan keıin arnaıy bilim saıysyn ótkizýde.
«Mundaı dinı sharalar paıǵambarymyzdyń ýaqytynda da bolǵan. Onda sahabalar bir-birine quran aıattaryn, hadısterdi jasyryp suraıtyn bolǵan. Biz ony qaıta jańǵyrtyp otyrmyz. Bul saıys jeńimpazdary buǵan deıin Mekkege Ýmra qajylyq saparyna jáne Astana qalasyna saıahat joldamasyn utyp alǵan edi. Endi qalamyzdaǵy halal meımanhanalardyń birine otbasymen ne joldastarymen baryp aýyzashar jasap qaıtýǵa múmkindik beretin taǵy bir joldama sarapqa salynǵaly otyr», - deıdi O. Dáýrenbekov.
