Ramazan aıynda Almatydaǵy avtobýs turǵyndardy tegin tasydy
ASTANA. QazAqparat - Almaty qalasyndaǵy «Orbıta» meshitiniń bas ımamy Asan Tileýberdıevtiń ıgi bastamasymen shahardaǵy №63 baǵyt boıynsha qatynaıtyn avtobýsta Ramazan aıynyń qurmetine jolaýshylar úshin tegin júrý aktsııasy ótti, dep habarlaıdy muftyat.kz.
Din janashyrlarynyń demeýshiligimen ótken izgi sharada qoǵamdyq kólik bir kún boıy turǵyndardy tegin tasydy. Budan áserlengen turǵyndar meshit ujymyna alǵys-tilekterin jetkizdi.
«Bas múftı Erjan qajy Malǵajyuly Ramazan aıynyń qarsańynda halyqqa joldaǵan úndeýinde qaıyrymdylyq aktsııalaryn kóbirek uıymdastyrý qajettigin qaperge salǵan bolatyn. Osyǵan oraı, ótken jylǵy dástúr boıynsha qalada eń kóp aýmaqty qamtıtyn jáne toqtaýsyz júretin №63 marshrýtty tańdap, tegin júrý aktsııasyn uıymdastyrdyq. Alla taǵala osynaý iske demeýshilik jasaǵan baýyrlarymyzǵa razy bolsyn», - deıdi «Orbıta» meshitiniń bas ımamy Asan Tileýberdıev.
