Ramazan aıynda 8 jyl burynǵy urlyǵyn moıyndap, keshirim surady
ASTANA. QazAqparat - Jıdda qalasynyń turǵyny qasıetti Ramazan aıynda óziniń osydan 8 jyl buryn jasaǵan urlyǵy úshin keshirim surap, ıesine urlanǵan zat qunyn usyndy, dep jazady muslim.kz.
Osydan segiz jyl buryn Ábý Abdý Rahman týysqanynyń úılený toıynda aıaqkıiminen aıyrylyp qalǵan bolatyn. Endi arada segiz jyl ýaqyt ótisimen kishkene balaqaı kelip, 500 rıal salynǵan hatty usynǵanda, tańdanysynda shek bolmady.
Hat ıesi óziniń sol bir qylyǵy úshin ólerdeı ókinetinin jazyp, araǵa 8 jyl ótken soń táýbesine kelip, keshirim ótinipti. Al Abdý Rahman bolsa, týysqanynyń toıynda aıaqkıiminen aıyrǵan uryny baıaǵyda keshirip qoıǵanyn aıtady. Urlanǵan zattyń óteýi retinde joldanǵan aqshany ol qaıyrymdylyq sharasyna jumsaıtynyn jetkizdi.
