Ramazan Áınegov trıatlonnan jasóspirimder Olımpıadasynyń qola júldegeri atandy
ASTANA. KAZINFORM — Qazaqstan quramasynyń ókili Ramazan Áınegov Senegaldyń Dakar qalasynda ótip jatqan IV jazǵy jasóspirimder Olımpıadasynda qola medal jeńip aldy.
Qazaqstandyq trıatlonshy jarys jolyn 53 mınýt 27 sekýndta baǵyndyrdy. Ol japonııalyq Daıkı Nısıdzakımen bir ýaqytta márege jetip, úshinshi oryndy ózara bólisti. Ekeýi de jeńimpazdan 14 sekýndqa qalyp qoıdy.
Portýgalııalyq Artýr Gashpar 53 mınýt 13 sekýnd nátıjesimen top jardy. Al Lıýksembýrg ókili Emıl Vanolst (53:23) kúmis júldege qol jetkizdi.
Osylaısha, Qazaqstan quramasynyń Dakardaǵy jasóspirimder Olımpıadasyndaǵy medal sany ekige jetti. Buǵan deıin dzıýdoshy Fatıma Supyǵalıeva 52 kelige deıingi salmaq dárejesinde top jaryp, el qorjynyna alǵashqy altyn medaldi salǵan edi.
