Ramazan aıynda keıbir azyq-túlik túrleri arzandaýy múmkin

ASTANA. KAZINFORM –  Ramazan aıynda suranysy joǵary azyq-túlik baǵasy ósýi múmkin be? Bul suraqqa QR Saýda jáne ıntegratsııa mınıstri  Arman Shaqqalıev jaýap berdi.

- Buǵan deıingi jyldarǵa sholý jasasaq, mundaı kezeńderde (Ramazan aıynda) saýda jelileri tıisti aktsııalar ótkizip, baǵany tómendetý týraly habarlap, túrli is-sharalar uıymdastyrady. Orazanyń ózi jaqsylyq pen meıirimdilik merekesi retinde qabyldanady. Sondyqtan saýda jelilerinde jumys isteıtinder qaıyrymdylyq pen jan dúnıesiniń keńdigin kórsetip jatady, - dedi A.Shaqqalıev Parlament Májilisinde tilshiler suraǵyna jaýap bere otyryp.

Osy oraıda mınıstr Ramazan aıynda elimizdiń aýmaǵynda baǵany tómendetýge baǵyttalǵan aktsııalar bolatynyn atap ótti.

- Bul turǵyda osy kezeńde baǵanyń aýytqýy men orazany múldem baılanystyrmaımyz, - dedi vedomstvo basshysy.

Budan buryn habarlanǵandaı, jaqynda Bas múftı kásipkerlerdi azyq-túlik baǵasyna jeńildik jasaýǵa shaqyrdy.