Ramazan-2025: barlyq óńir boıynsha Oraza kestesi jarııalandy
ASTANA. KAZINFORM - Qazaqstan musylmandary dinı basqarmasynyń sharıǵat jáne pátýa bólimi 2025 jylǵy dinı kúnder kestesin bekitti. Bul týraly dinı basqarmanyń resmı saıty jazdy.
2025 jyly Ramazan aıy 1 naýryzda bastalady, al Qadir túni 26 naýryzdan 27 naýryzǵa qaraǵan túnge túsedi. Oraza aıt 30 naýryzda ótse, Qurban aıttyń birinshi kúni 6 maýsymǵa sáıkes keledi.
Dinı basqarma mamandary aı kúntizbesine baılanysty bul kúnder jańa aıdyń kórinýine qaraı bir kúnge ózgerýi múmkin ekenin eskertti.
– Pátýa mamandary dinı merekelerdiń naqty kúnderi jańa aıdyń kórinýine baılanysty kórsetilgen ýaqyttan bir kún shegerilýi nemese alǵa jyljýy múmkin ekenin eskertedi, - delingen habarlamada.
Aıta keteıik, elimizdiń Bas múftıi Naýryzbaı qajy Taǵanulynyń tóraǵalyǵymen ótken Qazaqstan musylmandary dinı basqarmasynyń tóralqa májilisinde pitir sadaqasy elimiz boıynsha eki keli unnyń ortasha baǵasy negizinde 655 teńge bolyp bekitildi.
