Ramada Plaza polıtsııanyń qaramaǵyna ótti
ASTANA. QazAqparat - Astana qalasynyń ishki ister departamenti Ramada Plaza qonaq úıine ornalasatyn boldy. Bul týraly búgin Úkimet otyrysynan keıingi brıfıngte QR Іshki ister mınıstri Qalmuhanbet Qasymov aıtty, dep habarlaıdy QazAqparat tilshisi.
«Qazir ǵana Ramada Plaza qonaq úıin ákimdik menshigine berý týraly sheshim qabyldandy. Biraq, ákimdik ony Іshki ister departamentine beremiz dep sheshken bolatyn. Departament Ramada Plaza-ǵa kóshedi. Biz ol jerde jóndeý jumystaryn bastaımyz», - dedi mınıstr.
Onyń aıtýynsha, atalǵan ǵımaratta Astana qalalyq ishki ister departamenti men elordanyń aýdan ákimdikteriniń biri ornalasady.
«Ǵımarat Baıqońyr aýdanynyń aýmaǵynda ornalasqan. Sondyqtan, birqatar mekemeler sonda kóshiriledi», - dedi Qalmuhanbet Qasymov.
