Rallı kezinde kólik kórermenderdi janshyp ótti
ASTANA. QazAqparat - San-Marıno elinde ótken dástúrli Rally Legend saıysy qaıǵyly aıaqtaldy.
Munda shabandoz Enrıko Bonazo mingen «Reno» joldan shyǵyp ketip, jarysty tamashalaýǵa kelgenderdi qaǵyp ótti.
Kútpegen jerden bolǵan oqıǵa saldarynan 1 adam qaza taýyp, taǵy segiz adam jaralandy. Qazir olardyń teń jartysynyń jaǵdaıy aýyr. Oqıǵa barysynda joǵary jyldamdyqpen ushqan kólik júrgizýshisi tizginge ıe bola almaı, joldyń jıegine qorshaý retinde qoıylǵan shópterdiń oramyna soǵyldy. Al onyń artynda saıysty kórýge kelgen jurt eshbir qapersiz turǵan bolatyn. Kólik qaǵyp ótken 51 jastaǵy er adam sol arada jan tásilim etti. Aqyry rallı uıymdastyrýshylary saıysty toqtatyp, jeńimpazdardy marapattaý rásimin boldyrǵan joq.
Derekkóz: «Habar 27» telearnasy
