Raqymshylyqqa ilingenderdiń sottalǵany týraly derek bazadan alyna ma – Bas prokýratýranyń jaýaby

ASTANA. QazAqparat – QR Prokýrorynyń orynbasary Áset Shyndalıev raqymshylyqqa ilingenderdyń sottylyq deregi bazadan qandaı jaǵdaıda alynatynyn túsindirdi, dep habarlaıdy QazAqparat tilshisi.

«Keshe Prezıdent «Raqymshylyq týraly» Zańǵa qol qoıdy. Búgin ol BAQ-ta jarııalandy. Búginnen bastap ol zańdy kúshine endi. «Raqymshylyq týraly» zań – bul qańtar oqıǵasyna qatysýshylarǵa qatysty memleket tarapynan jasalǵan gýmanızm aktisi. Bul aqtaý emes. «Raqymshylyq jasaý týraly» zańda qylmys jasaǵan, aýyrlyǵy ortasha jáne aýyrlyǵy az adamdardy jazadan tolyq bosatý qarastyrylǵan. Biraq eger adam sottalǵan bolsa, qylmys jasaǵany úshin kináli bolyp qalady. Eger qandaı da bir tergeý júrip jatsa, onda tergeý barysynda barlyq mán-jaılar anyqtalyp, adamnyń ózi oǵan raqymshylyq jasaý aktisin qoldaný týraly ótinish bildire alady. Eger adam aýyr jáne asa aýyr qylmystar týraly ister boıynsha sottalsa, oǵan jaza merzimi qysqarady. Aýyr qylmys jasaǵandardyń jaza merzimi úshten tórt bóligine, asa aýyr qylmys jasaǵandardyń merziminiń jartysy qysartylady»,- dedi Bas prokýrordyń orynbasary.

Sondaı-aq, ol bul joly raqymshylyqqa ilingenderdiń sottylyq deregi bazadan qaı jaǵdaıda alynatynyn túsindirdi.

«Raqymshylyqqa ilingender arasynda sottylyq teris qylyq jasaǵan, ortasha aýyr qylmys jasaǵan, aýyrlyǵy onsha emes qylmys jasaǵan adamdardan alynady», - dedi Áset Shyndalıev.