Raqymshylyqqa ilingen 461 azamat jumysqa ornalasty – Altaı Kólginov

ASTANA. QazAqparat – Qańtar oqıǵasynan keıin raqymshylyqqa ilingen 461 azamat jumysqa ornalastyryldy. Bul týraly Májilistiń jalpy otyrysynda QR Premer-Mınıstriniń orynbasary Altaı Kólginov aıtty, dep habarlaıdy QazAqparat tilshisi.

«Qazaqstan Respýblıkasy boıynsha raqymshylyq jarııalanǵan adamdardyń sany – 1095. Búgingi tańda 461-i jumysqa ornalasty. Qalǵan azamattar boıynsha jumys jalǵasyp jatyr», - dedi vıtse-premer Májilis depýtattarynyń saýalyna oraı.

Sonymen qatar ol jastarǵa qatysty memleket tarapynan keshendi is-sharalar qabyldanyp jatqanyn atap ótti.

Máselen, 2022 jyly «Memlekettik jastar saıasaty týraly» zań qabyldandy.

Atalǵan zań aıasynda jastar jasy 29-dan 35-ke deıin ulǵaıtyldy. Nátıjesinde buryn jastar sanatyna 3 mln 700 myń adam kirse, qazir olardyń sany 5 mln 700 adamdy qurady.

NEET sanatyndaǵy jastardyń memlekettik qoldaý alýyna múmkindik jasaldy. Jastar tájirıbesi 1 jylǵa uzartylyp, jalaqy 100 myń teńge bolyp belgilendi.

«Qańtar oqıǵasy kezinde Almaty qalasy qatty zardap shekti. Qala ákimdigimen arnaıy jastar úshin keshendi jospar qabyldandy. Jospardy jastardy oqytý, jumyssyz jastardy jumysqa ornalastrý, biliktiligin arttyrý jáne baspanamen qamtý kózdelgen. Osyndaı jospar barlyq óńirde qabyldandy. Jastarǵa qatysty jyl saıyn júıeli jumys atqarylady. Ol Úkimettiń baqylaýynda», - dedi Altaı Kólginov.