Raqymshylyqqa baılanysty Qazaqstan túrmelerinen 25 adam shyqty

ASTANA. QazAqparat - «Qazaqstan Respýblıkasy Táýelsizdiginiń 25 jyldyǵyna baılanysty raqymshylyq jasaý týraly» QR Zańyn júzege asyrý aıasynda respýblıkanyń jabyq mekemelerinen 25 adam bostandyqqa shyqty, taǵy 14 adam bas bostandyǵyn shekteýmen baılanysty emes jazalaryn óteýde, dep habarlaıdy «QazAqparat» HAA tilshisi QR ІІD Qylmystyq atqarý júıesi (QAJ) komıtetiniń baspasóz qyzmetine silteme jasap.

«Táýelsizdik mereıtoıy qarsańynda Memleket basshysynyń bastamasymen engizilgen Raqymshylyq týraly zańǵa qol qoıylǵan sátten bastap, QAJ mekemelerinde jáne probatsııa qyzmetterinde materıaldardy sotqa jiberý týraly qaýyrt jumys bastalyp ketti. 2017 jyldyń 24 qańtary kúni segiz myńnan astam materıal qaraýǵa jiberildi.

Sonymen birge, QAJ mekemelerinen sotqa túsken eki myńǵa jýyq materıal abaqtydan bosatýdy, jaza merzimin 1/2, 1/4 jáne 1/5 bólikterine qysqartýdy jáne bas bostandyǵynan aıyrý merzimin - shekteýge nemese aıyppulǵa aýystyrýdy kózdeıdi.

Probatsııa júıesi arqyly túsken alty myń materıal jaza óteý merzimin qysqartý jáne jazanyń qalǵan bóligin shartty túrde óteýdi qarastyrady», - delingen habarlamada.