12:57, 22 Tamyz 2015 | GMT +5
Raqym Oshaqbaev QR Investıtsııalar jáne damý vıtse-mınıstri bolyp taǵaıyndaldy
ASTANA. QazAqparat - QR Investıtsııalar jáne damý mınıstri Áset Isekeshev IDM ujymyna jańa vıtse-mınıstr Raqym Oshaqbaevty tanystyrdy.
Bul týraly vedomstvonyń baspasóz hatshysy Qaısar Jumabaıuly óziniń facebook-tegi paraqshasynda habarlady.
R. Oshaqbaev 1976 jyly Shyǵys Qazaqstan oblysynda dúnıege kelgen. 1999 jyly M. V. Lomonosov atyndaǵy Máskeý memlekettik ýnıversıtetin támamdaǵan, mamandyǵy - ekonomıst. Bul taǵaıyndaýǵa deıin Raqym Oshaqbaev "Atameken" Ulttyq kásipkerler palatasy tóraǵasynyń orynbasary qyzmetin atqarǵan bolatyn.