«Raqmet, anashym»: elordalyq sportshylar erekshe chellendj bastady

ASTANA. KAZINFORM — Elordalyq sportshylar názikjandylardy Halyqaralyq áıelder kúnimen quttyqtap, erekshe chellendj bastady, dep habarlaıdy Astana ákimdigi.

Astanalyq sportshylar analaryna alǵys bildirgen quttyqtaýlaryn vıdeoǵa túsirdi.

— Ana — árbirimizdiń ómirimizdegi alǵashqy jáne eń mańyzdy tálimger. Onyń súıispenshiligi, qamqorlyǵy jáne qoldaýy árqashan sezilip, qıyndyqtardy jeńýge kómektesip qana qoımaı, bizdi alǵa jeteleıdi, — dedi sportshylar anasyna.

Olar barlyǵyn #Raqmetana #SpasıboMame chellendjine qosylýǵa shaqyrdy.

Chellendjdi qoldaǵandardyń qatarynda bokstan halyqaralyq týrnırlerdiń chempıony Álı Toqtarov, kıkboksıngten sport sheberi Danııar Shymyrov, qazaq kúresinen sport sheberi Aıbat Seıten, dzıýdodan Qazaqstan chempıonatynyń qola júldegeri Ermuhan Estaı, kórkem júzýden sportshy Edýard Kım, sol sııaqty hokkeıshiler, taı boksshylary men ózge de sportshylar bar.

Buǵan deıin Prezıdent arýlardy kóktem merekesi – Halyqaralyq áıelder kúnimen quttyqtaǵanyn jazǵan edik.