Raqymshylyq: Pavlodarda boryshkerlerdiń 200 mln teńgeden astam aıyppuly keshirildi
PAVLODAR. KAZINFORM - Qazaqstan tarıhynda alǵash ret ákimshilik raqymshylyq júrgizilip jatyr. Ol zańda kózdelgen baptar boıynsha azamattardy ákimshilik aıyppuldardy tóleýden bosatýdy qarastyrady.
Pavlodar oblysynda ákimshilik raqymshylyq 19 myńnan astam iske qatysty qoldanylǵan. Nátıjesinde azamattardyń jalpy somasy 200 mln teńgeden asatyn ákimshilik is boıynsha atqarýshylyq óndiristeri toqtatyldy.
– Ákimshilik raqymshylyq – bul bir rettik izgilik sharasy. Ol azamattardy aldaǵy ýaqytta jasalýy múmkin quqyq buzýshylyqtar úshin jaýapkershilikten bosatpaıdy. Quqyq buzýshylyq qaıtalanǵan jaǵdaıda, kináli tulǵalar qoldanystaǵy zańnama talaptaryna sáıkes tolyq kólemde jaýapkershilikke tartylady, – dep atap ótti Pavlodar oblysy polıtsııa departamenti ákimshilik polıtsııa basqarmasynyń bastyǵy Bákibaı Ahmedıanov.
Polıtsııa azamattardy zań men tártipti saqtaýǵa shaqyrady. «Zań men tártip» qaǵıdatyn saqtaý – qaýipsiz ári ádiletti qoǵamnyń negizi.
Eske sala keteıik, Qazaqstandaǵy raqymshylyq aıasynda Pavlodarda 27 sottalýshy tolyq bosatylady.
