Raqymshylyq: qylmystyq jaýapkershilikten kimder bosatylady
ASTANA. KAZINFORM – Іshki ister mınıstriniń orynbasary Sanjar Ádilov elimizdegi qylmysty raqymshylyqtyń aldyn ala ádisteri ázirlengenin aıtty.
Sanjar Ádilovtyń aıtýynsha, qylmystyq teris qylyq jasaǵan, onsha aýyr emes qylmys jáne zııansyz ortasha aýyrlyqtaǵy qylmys jasaǵan adamdardy qylmystyq jaýapkershilikten bosatý josparlanǵan.
Mundaı tásil dál sondaı sanattaǵy qylmystar úshin bas bostandyǵynan aıyrý oryndarynda jazasyn ótep jatqan, keltirilgen zııan ótelgen sottalǵandarǵa da qoldanylatyn bolady.
Sonymen qatar raqymshylyq mynadaı qylmystardy jasaǵan adamdarǵa qoldanylmaıdy:
- ekstremıstik jáne terrorıstik sıpattaǵy qylmystar;
- azaptaý;
- sybaılas jemqorlyq quqyq buzýshylyqtar;
- kámeletke tolmaǵandardyń jynystyq qol suǵylmaýshylyǵyna qarsy qylmystar.
— Qamaýda bolýynyń sońǵy jyly qalǵan, bas bostandyǵynan aıyrý oryndarynda otyrǵan adamdarǵa da raqymshylyq qoldanylady. Qazirgi ýaqytta birinshi teris dárejesi bar adamdarǵa raqymshylyq qoldanbaý máselesin qarastyryp jatyrmyz. Aýyr jáne asa aýyr qylmystarǵa keletin bolsaq, joǵaryda atalǵandardan basqa jazanyń ótelý merzimin qysqartý máselesin qarastyryp jatyrmyz. Jalpy alǵanda merzimniń besten bir bóligine qysqartý kózdelýde, — dedi Sanjar Ádilov.
Sondaı-aq ákimshilik raqymshylyq máselesi de pysyqtalyp jatyr. Mınıstr orynbasarynyń aıtýynsha, vedomstvoaralyq toptardyń jumysy jalǵasýda. Kelesi aptada neǵurlym naqty tásilder usyný josparlanǵan.
Ol ákimshilik aldyn alý júıesine 70-ten astam memlekettik organ tartylǵanyn, olardyń 15-i óz quzyreti sheginde raqymshylyq qoldaný múmkindigine qatysty usynystar bergenin atap ótti.
Buǵan deıin elimizde 17 myń adamǵa raqymshylyq jarııalanýy múmkin ekenin jazǵan edik.
