Rak aýrýynyń shıpasy sájdeden tabyldy
ASTANA. 8 qańtar. QazAqparat - Kaır qalasynyń (Mysyr) Ulttyq sáýleler tehnologııasy ortalyǵy sájdeniń adamdy qaterli isikten saqtaıtynyn anyqtady.
Sondaı-aq, zertteý nátıjesi sájdeniń, ásirese, júkti áıelderge barynsha paıdaly ekenin jáne túsik tastaý qaýpiniń aldyn alatynyn, sonymen qatar, birqatar fızıkalyq jáne psıhologııalyq aýrýlarǵa da ońtaıly áser etetinin dáleldep otyr.
Sáýleler tehnologııasy ortalyǵynyń bólim bastyǵy, bıologııa professory Muhammed Zııaddın Hamıd búginde adamdardy jan-jaǵynan elektromagnıttik tolqyndar qorshap turǵandyqtan, ózine qanshama zııandy sáýleler qabyldaıtynyn jáne ony denesinen syrtqa qalaı da shyǵarý kerektigin aıtady.
Zertteý nátıjesi adam denesindegi bul elektromagnıt Allaǵa sájde etýmen syrtqa shyǵatynyn anyqtaǵan. ıAǵnı, boıdaǵy energııa sájdege barǵanda jerge tıetin adamnyń jeti aǵzasy arqyly syrtqa jyldam shyǵady eken. Bul adamnyń sharshaýyn basyp, keıbir aýrýlarǵa shıpaly bolatyn kórinedi. Sosyn sájdege barǵanda da jer júziniń kindigi sanalǵan Qaǵbaǵa qaraý kerektigin de mańyzdy dep sanaıdy. Bul boıdaǵy jaǵymsyz energııanyń syrtqa shyǵýyna eń qolaıly pozıtsııa kórinedi.
Professor Zııaddın adamnyń tań namazyn oqý arqyly boıdaǵy jaǵymsyz elemetterden arylyp, kúnin sergek bastaıtynyn aıtady. Al besin, ekinti, aqsham namazdary adam boıyndaǵy sharshaýdy azaıtyp, adamǵa psıhologııalyq jaıly kóńil-kúı syılaıdy. Quptan namazy bolsa, denedegi qalǵan elektromagnıtti boıdan silkip tastap, jaıly da rahat bir uıqyǵa ketýge septigin tıgizedi, dep jazady www.muftyat.kz.
