Rak aýrýymen kúresýde jaıaý júristiń paıdaly ekendigi dáleldendi
ASTANA. 6 qazan. QazAqparat - Atlantadaǵy amerıkandyq onkoaýrýlar qoǵamynyń qyzmetkerleri júrgizgen zertteý jumystarynyń qorytyndysy kúndelikti taza aýada bir saǵattaı serýendegen 50 jastan asqan áıelderdegi rak aýrýynyń damý qaýipi 14%-ǵa qysqartylǵandyǵyn kórsetip berdi, dep jazady The Telegraph.
Dárigerler jattyǵýlardyń paıdasy týraly burynnan beri aıtyp júrse de, osy zertteý barysynda ǵalymdar jaıaý júristen bolatyn ózgeristerge basa kóńil aýdarǵan bolatyn. Osy eksperımentke 50-74 jas aralyǵyndaǵy 73 myń 615 áıel adam atsalysty. Sarapshylar 1992-2009 jyldar aralyǵynda olardyń densaýlyq jaǵdaıyna baqylaý jasaǵan. Sharaǵa qatysýshylar kún saıynǵy fızıkalyq eńbek pen óziniń qalaı sezinetindigi týraly arnaıy saýalnama paraqty toltyryp otyrǵan. Qatysýshylardyń jartysyna jýyǵy - tek jaıaý serýenmen aınalysatyndyǵyn aıtqan. Dárigerlerdiń sózi boıynsha olardyń densaýlyqtarynda aıtarlyqtaı ilgerileýshilik baıqalǵan.
«Osy zerteýlerdiń nátıjeleri biz úshin óte mańyzdy. Kún saıynǵy bir saǵattyq serýen aýrýdyń damýyn birshama tejeıdi, al belsendi dene eńbeginiń paıdasy odan da joǵary», dep atap ótedi ǵalymdar.
