Raısa Sokolenko halyqaralyq arenada altyn medal ıelendi
ASTANA. KAZINFORM – Qazaqstandyq shabandoz Raısa Sokolenko (Prestige Horse Club) Maxima Masters Eurasia Kishi kýbogynyń konkýr boıynsha fınaldyq kezeńinde altyn medalǵa qol jetkizdi.
Uran nad Wigrami tulparyna mingen sportshy bıiktigi 135 sm bolatyn marshrýtty minsiz ári qarqyndy eńserip, Reseı, Ózbekstan, Belarýs jáne Qyrǵyzstannan kelgen 24 qarsylasyn artta qaldyrdy.
Sheshýshi sátte Sokolenko kósh bastap kele jatqan sportshydan 0,31 sekýndqa ozyp, Qazaqstanǵa halyqaralyq arenada jarqyn jeńis syılady.
Raısa Sokolenko segiz jasynan bastap at sportymen aınalysyp keledi.
Búginde ol Qazaqstannyń kók týy astynda, Prestige Horse Club quramynda óner kórsetip, ulttyq at sportynyń damýyna eleýli úles qosyp júr.
Buǵan deıin qazaqstandyq shabandozdar halyqaralyq dodalarda júlde alǵanyn jarııalaǵanbyz.