Raısa Sher: Elbasy kitaby - jas urpaqqa baǵyt beretin biregeı týyndy

ASTANA. QazAqparat - Nıkolaı Zenkovıchtiń «O velıkoı jıznı» - «Uly adam týraly ulaǵatty kitap» shyǵarmasyna oqyrmandar oń baǵasyn berip jatyr, dep habarlaıdy «QazAqparat» HAA tilshisi.

«Kitapty nemerelerimmen birge oqyp shyqtym. Týyndynyń tili jeńil bolǵany sonshalyq, ádette kitap oqýǵa boı bura bermeıtin nemerelerimniń de uıyp tyńdap qalǵanyn kórdim. Mundaı júrekke jyly ári jumsaq týyndyny radıodan tyńdaýdyń óz ǵanıbettigi bar degen oıdamyn. Elbasynyń ómir jolyndaǵy qalyptasý jolynyń jas balalar úshin jetik tilmen berilgeni óz kezeginde jetkinshekter úshin alǵa jeteleýshi  bolary sózsiz. «Men kimmin? Kim bolǵym keledi? Ómir jolyndaǵy nesibem qandaı?» degen suraqtarǵa jaýap izdeıtin jas jetkinshek úshin bul oqýlyq - baǵyt berýshi qural», - deıdi QR BǴM Respýblıkalyq qosymsha bilim berý oqý-ádistemelik ortalyǵynyń dırektory Raısa Sher.

Memleket basshysy bolyp kelmeı turyp, Elbasynyń ómir joly ońaı bolmaǵany kitapta jaqsy baıandalǵan.

«Kitap óte jeńil oqylady jáne tárbıelik mazmuny joǵary. Elbasynyń qıly taǵdyry barynsha qyzyqty baıandalǵan», - deıdi R. Sher.