Rahym Oshaqbaev jalaqy tóleý qorynyń salyq salýyn birizdendirýdi usyndy
«Qazaqstan jas memleket bolǵandyqtan, salyqtyq ákimshilendirý turǵysynda áli de jetilmegen ınstıtýttar barshylyq. Sózsiz, olardy nyǵaıtyp, salyqtyq buzýshylyq anyqtalǵan jaǵdaıda mindetti túrde jaza qoldaný kerek. Biraq, bul uzaq merzimge sozylatyn jumys. Menińshe, qazir salyq salýdyń gorızantaldy shkalasynan góri, progresstıvti túri bizge ońtaıly bolar edi», - deıdi R.Oshaqbaev QR UEM «Ekonomıkalyq zertteýler ortalyǵynda» ótken búgingi dóńgelek ústelde.
Rahym Oshaqbaevtyń paıymdaýynsha, QR Eńbek jáne halyqty áleýmettik qorǵaý mınıstrligi men Ulttyq ekonomıka mınıstrligi salyq salý stavkalaryn birizdendirý boıynsha usynys engizgen. Bul baǵyttaǵy alǵashqy qadam - barlyq salyqtardyń biriktirilýi men jalaqy qorynan bir tólemge aýdarý bolýy múmkin. Budan keıin memleket bul tólemdi ózdiginen bólýge qol jetkizer edi. Buǵan qosa stavkany 20 paıyzǵa deıin qysqartýǵa bolady. Bul qadam bıýdjetke túsimdi arttyrýǵa múmkindik berer edi.
Sarapshy óz sózinde BJZQ málimeti boıynsha, 2016 jyly Zeınetaqy qoryna 1,4 mıllıon adam 12 retten aýdarym jasaǵanyn alǵa tartady. Al elimizde 6 mıllıon jaldamaly jumysshy bar. Sáıkesinshe, formaldy emes túrdegi jaldamaly jumysshylardyń shynaıy sany statıstıkalyq deńgeıden - 300-400 myń adamǵa artyp ketti degen sheshimge kelýge bolady.
Statıstıka komıteti jumys berýshi zeınetaqy aýdarymyn jasaı ma, joq pa degen suraqtyń negizinde anketalaý arqyly - eńbek qatynastarynyń resimdelip jatqanyn nemese jatpaǵanyn tekserý ústinde. Oshaqbaevtyń oıynsha, jeke tabys salyqtary nemese zeınetaqy aýdarymdary týraly beriletin málimetke arqa súıegen durys. Sonda ǵana shynaıy jaǵdaıdy bilip otyrýǵa bolady.
Sarapshy sonymen qatar, formaldy emes jaldamaly jumysshylardyń sanynyń artýy jalaqy qoryna salmaq túsiretinin aıtady.
«Sondyqtan, Prezıdenttiń salyq júktemesin azaıtý týraly bastamasy óte oryndy. Úkimet odan ary jumysty jalǵastyryp, máseleniń keshendi taldaýyn jasaı alady», - deıdi ol.
