Rahym Oshaqbaev: Prezıdent ókiletiniń merzimin aýystyrý máselesi referendým arqyly ǵana sheshilýi kerek
Ortalyq kommýnıkatsııalar qyzmetinde ótken sarapshylyq keńeste belgili sarapshy Rahym Oshaqbaev Prezıdent Joldaýynyń negizgi tezısteri týraly óz paıymyn aıtty.
«Memleket basshysynyń Prezıdent ókiletiniń merzimin ózgertý týraly usynysynan úlken ıntrıga týyndap otyr. Qalaı bolsa da, Konstıtýtsııaǵa ózgeris enedi. Osy máseleniń basy ashyq qalyp otyrǵan sııaqty. Konstıtýtsııa mamandaryna osy jaǵyn túsindirý kerek bolyp tur. Bul ózgeristiń tártibi, qandaı formýla tańdap alynatyny aıqyndalǵansha ıntrıga saqtalatyn túri bar», - dedi sarapshy.
Onyń paıymynsha, bıyl maýsymda ótken referendým Konstıtýtsııaǵa engiziletin salmaqty ózgeristiń bári referendým arqyly qabyldanýy kerek ekenin kórsetken.
«Meniń jeke tilegim, Jańa Qazaqstan jaǵdaıynda Konstıtýtsııaǵa engiziletin kez kelgen ózgeristi Parlamen arqyly qabyldatýǵa tyıym salyp, tek referendým arqyly ótkizý kerek.
Qazir Qazaqstan Konstıtýtsııasyna engizilgen ózgerister sany men ejelden ornyqqan elderdiń Konstıtýtsııasyna engizilgen ózgeristerdiń sanyn salystyrǵan ınternet ájýalar kóp. ıAǵnı, myńnan astam ózgeris engizilgen. Bıyldyń ózinde ekinshi ret ózgeris engeli otyr. Ata zańymyzdyń qubylmalylyǵy saıası júıemizdiń turaqtylyǵynan tikeleıkórinis taýyp otyr», - dedi saıasatker.
Sondaı-aq, ol Parlament ókilderine úndeý tastady.
«Bıliktiń negizgi kózi halyq qana bolǵandyqtan, Ata zańǵa engiziletin ózgeristi de tek halyqtyń tańdaýy arqyly qabyldaý kerek dep esepteımin. Maýsym aıynda mundaı bastamany Prezıdent jaqsy kótergen bolatyn. Sol joldy jalǵastyrar dep úmittenem. Osy múmkindikti paıdalanyp depýtattarǵa Konstıtýtsııaǵa bul joly engiziletin ózgeristi Parlament arqyly ótkizýden bas tartyp, referendým arqyly qabyldatyńyzdar dep úndeý tastaǵym keledi», - dedi saıasatker.
