Rahym Oshaqbaev QR IDM vıtse-mınıstri qyzmetinen bosatyldy

ASTANA. QazAqparat - QR Úkimetiniń 2016 jylǵy 19 naýryzdaǵy qaýlysymen Oshaqbaev Rahym Sákenuly Qazaqstan Respýblıkasynyń ınvestıtsııalar jáne damý vıtse-mınıstri qyzmetinen bosatyldy. Bul týraly QR IDM Kadr jumysy departamentiniń dırektory Marat Iǵalı Feısbýk áleýmettik jelisindegi paraqshasynda habarlady.

«QR Investıtsııalar jáne damý mınıstrliginde Rahym Oshaqbaevqa atqarǵan jumysyna alǵys aıtyldy. QR Investıtsııalar jáne damý mınıstri Áset Isekeshev oǵan Qurmet gramotasyn tapsyrdy», delingen jazbada.

Qazir Rahym Oshaqbaev halyqaralyq bilim berý baǵdarlamasy arqyly shetelde oqyp jatyr.

«Birlesip atqarǵan jumystar úshin alǵys bildiremin! Sáttilik tileımin!» dep jazady Marat Iǵalı.