Rahym Oshaqbaev Ashyq derekterdiń ulttyq strategııasyn daıyndaýdy usyndy

NUR-SULTAN. QazAqparat – Aqparatqa qol jetkizý máseleleri jónindegi komıssııanyń otyrysynda Ashyq derekterdiń ulttyq strategııasyn daıyndaý usynyldy, dep habarlaıdy QazAqparat tilshisi.

«Aqparatqa qol jetkizý deńgeıi boıynsha jyldyq esep jasalǵany úlken qadam deýge bolady. Ashyqtyq jáne trasparenttilik saıasatyn damytý isindegi kelesi qadam aqparatqa qol jetkizý uǵymynan derekterge qol jetkizý uǵymyna kóshý bolýy kerek dep oılaımyn. Memleket saıasatynda derekterge qoljetimdilikti mashınaly oqý túrinde damytý trendke aınalǵanyn kórgimiz keledi», - dedi «Talap» qoldanbaly zertteýler ortalyǵynyń dırektory Rahym Oshaqbaev.

Onyń aıtýynsha, mashınamen oqylatyn derekterdi taldapý jeńildese, qoǵam sanasynda sonyń negizinde jańa qundylyqtar qalyptastyrýǵa bolady.

«Muny biz óz alańymyzdaǵy talqylaýlarda kótergenbiz. Aqparat jáne qoǵamdyq damý mınıstrligi tolyq túsinip otyr. Aldaǵy 2 jylda biz Ashyq derekterdiń ulttyq strtaegııasyn daıyndaý qajettigin túsinetindeı deńgeıge jetetin shyǵarmyz. Qazir Ekonomıkalyq seriktestik jáne damý uıymynyń jetekshi elderi osy ispen aınalysyp jatyr. Ázirshe biz odan alystamyz. Biraq sondaı koaltsııa kerek. Birinshi kezekte memlekettik jáne óuzyrly organdar múddeli bolǵany qajet. Biz úkimettik emes uıymdar tarapynan osy iske atsalysýǵa daınybyz», - dedi qoǵam belsendisi.