Rahmeti joq: Avstralııalyq magnat qyzmetkerlerdi eki ese qysqartýdy usyndy
Avstralııanyń eń baı adamdarynyń biri kompanııalardy rahmeti joq jumysshylaryna mansaptyq ıerarhııadaǵy ornyn esine salý úshin qyzmetkerlerin eki ese qysqartýǵa shaqyrdy, dep habarlaıdy QazAqparat BBC-ge silteme jasap.
«Biz ekonomıkanyń aýyrtpalyǵyn kórýimiz kerek», - deıdi jyljymaıtyn múlik bıznesinen mol tabys tapqan Tım Garner.
Ol buǵan deıin jastardyń avokadoly toster men kofege tym kóp aqsha jumsaıtyndyqtan baspanasyz júrgenin synap jazǵan pikiri úshin jurtshylyqtyń narazylyǵyn týǵyzǵan.
Osy aptada ótken jyljymaıtyn múlik sammıtinde sóılegen sózinde 41 jastaǵy Garner koronavırýs pandemııasy qyzmetkerlerdiń kózqarasy men jumys etıkasyn aıtarlyqtaı ózgertkenin aıtty.
Ol «eńbek naryǵyndaǵy menmendikti» azaıtý úshin Avstralııadaǵy qazirgi jumyssyzdyq deńgeıin 40-50% arttyrýdy usyndy.
Bul óz kezeginde 200 myńnan astam adamnyń jumyssyz qalýyna ákeledi.
Garnerdiń pikiri kóp kompanııalardyń qyzmetkerlerimen aradaǵy qashyqtan jumys isteý týraly kıkiljińge baılanysty aıtyldy.
