Rahman Omarovtyń burynǵy zaıybyn óltirgen áıel 15 jylǵa cottaldy
ALMATY. QazAqparat - Akter Rahman Omarovtyń burynǵy zaıybyn óltirdi degen kúdikpen ustalǵan áıel 15 jyl 6 aıǵa bas bostandyǵynan aıyryldy, dep habarlaıdy QazAqparat tilshisi.
Sýdıa 30 jastaǵy Aqtolqyn Súleımenovany QR QK 99-babynyń 1-bólimimen, 24-babynyń 3-bólimimen, 99-babynyń 2-bólimimen aıypty dep taýyp, 15 jylǵa bas bostandyǵynan aıyrý jazasyn taǵaıyndady.
Sonymen qatar, sot Aqtolqyn Súleımenovany jábirlenýshi tarapqa 4,5 mln teńge kóleminde moraldyq shyǵyn tóleýge talap qoıdy. Sondaı-aq, 2 mln 154 myń teńge kóleminde sot shyǵyndaryn tóleýge mindettedi.
Aıta ketsek, qaıǵyly oqıǵa 2018 jyldyń maýsymynda bolǵan edi.
Gúlderaıym Omarova Aqkent shaǵynaýdanyndaǵy páterin jalǵa berip kelgen.
Maýsymnyń 26 kúni ol jalǵa alý aqysyn alý úshin páter jaldaýshylaryna barǵan. Sol kezde páter qojaıyny men jaldaýshylar arasynda kıkiljiń týyndaǵan. Daý-damaıdyń arty qaıǵyly jaǵdaıǵa ulasqan. Eki áıel Gúlderaıymǵa birneshe jerinen pyshaq salǵan. Ol sol jerde alǵan jaraqatynan kóz jumdy.
