Rahman Omarovtyń áıelin óltirgen kúdikti kelinshek sotta jaýap berýde
ALMATY. QazAqparat - Almatyda belgili akter, jýrnalıst Rahman Omarovtyń áıeli Gúlderaıym Omarovany pyshaqtap ketken áıeldiń isi boıynsha sot bastaldy, dep habarlaıdy QazAqparat tilshisi.
Almatynyń Qylmystyq ister boıynsha aýdanaralyq mamandandyrylǵan sotynda 30 jastaǵy Aqtolqyn Súleımenova sot aldynda jaýap berýde.
Áıelge QR QK 99-babynyń 1-bólimimen, 24-babynyń 3-bólimimen, 99-babynyń 2-bólimimen aıyp taǵylyp otyr.
Aıta keterligi, qaıǵyly oqıǵa 2018 jyldyń maýsymynda bolǵan edi.
Gúlderaıym Omarova Aqkent shaǵyn aýdanyndaǵy páterin jalǵa berip kelgen. Maýsymnyń 26 kúni ol jalǵa alý aqysyn alý úshin páter jaldaýshylaryna barǵan.
Sol kezde páter qojaıyny men jaldaýshylar arasynda kıkiljiń týyndaǵan. Daý-damaıdyń arty qaıǵyly jaǵdaıǵa ulasqan.
Eki áıel Gúlderaıymǵa birneshe jerinen pyshaq salǵan. Áıel sol jerde alǵan jaraqatynan kóz jumdy.
