Rahat Turlyhanovqa qatysty qylmystyq is toqtatyldy

Qalalyq polıtsııa departamentiniń málimetinshe, qylmystyq is Almaty qalasy Medeý aýdandyq polıtsııa basqarmasynda qozǵalǵan bolatyn. Sotqa deıingi tergeý barysynda oqıǵanyń barlyq mán-jaıy zerttelip, qoldanystaǵy zańnama aıasynda protsestik áreketter júrgizildi.

- Aryzdanýshy tarap shaǵymynan jáne isti odan ary talqylaýdan bas tartty. Osyǵan baılanysty qylmystyq is zańdy negizde toqtatyldy, – dep habarlady departamentten.

Polıtsııa ókilderi otbasylyq-turmystyq qatynastarǵa baılanysty árbir jaǵdaı boıynsha azamattardyń quqyqtary men qaýipsizdigin qorǵaýǵa baǵyttalǵan tıisti sharalar qabyldanatynyn atap ótti.

Eske salaıyq, buǵan deıin Rahat Turlyhanov áıeline qol kótergenin jazǵanbyz.

Almaty Polıtsııa departamentiniń málimetinshe, Medeý aýdanynda bolǵan otbasylyq janjalǵa baılanysty túsken shaqyrtý boıynsha polıtsııa qyzmetkerleri oqıǵa ornyna dereý jetken. Keıin janjalǵa qatysqan taraptar mán-jaıdy anyqtaý úshin aýdandyq polıtsııa basqarmasyna jetkizilgen.

Áıel áýelde ózine kúsh qoldanylǵanyn aıtqan. Alaıda keıinirek muny joqqa shyǵaryp, otbasylyq janjal boıynsha aryz jazǵan.

Keıin sot Rahat Turlyhanovtyń isi boıynsha materıaldardy prokýrorǵa qaıtardy.