Rahat Turlyhanov áıeline qol jumsaǵany úshin jaýapqa tartyldy
Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty uryp-soǵý faktisi boıynsha Rahat Turlyhanovqa qatysty ákimshilik isti qarady, dep habarlaıdy Kazinform
Sotpen anyqtalǵanyndaı, ótken jyldyń jeltoqsan aıynda Rahat Turlyhanov úıinde janjal shyǵaryp, áıelin soqqyǵa jyqqan. Sot otyrysynda ol óz kinásin moıyndap, istegen isine ókinitinin jetikizdi. Sondaı-aq, tatýlasqandaryn aıtyp, sottan isti toqtatýdy surady.
Áıeli is materıaldarynda kórsetilgen faktilerdi rastap, kúıeýimen tatýlasqanyn aıtty.
«Sot qaýlysymen T., ÁQBtK-niń 73-2 baby 1-1 bóligi boıynsha ákimshilik quqyq buzýshylyqty jasaǵany úshin kináli dep tanylyp, ol eskertý túrindegi ákimshilik jazaǵa tartyldy», - dep habarlady qalalyq sottan.
Sot qaýlysy zańdy kúshine engen joq.
