Rafael Ýrazbahtın «Qaırattyń» bas bapkeri qyzmetinen ketti
ASTANA. KAZINFORM - Almatylyq «Qaırat» bas bapkeri Rafael Ýrazbahtın óz erkimen qyzmetinen ketýge sheshim qabyldady.
Bul jóninde komandanyń baspasóz qyzmeti málim etti.
Klýb basshylyǵy bul sheshimin qabyldap, ótinishin qanaǵattandyrdy.
Rafael Radıkovıch 2024 jylǵy qyrkúıekte negizgi komandanyń bas bapkeri atandy. Onyń basshylyǵymen alǵashqy maýsym qorytyndysy boıynsha almatylyq klýb Qazaqstan chempıony atandy.
2025 jyly onyń jetekshiligimen «Qaırat» Qazaqstan Sýperkýbogyn jeńip alyp, chempıondyq ataǵyn qorǵady. Klýb tarıhynda alǵash ret UEFA Chempıondar lıgasynyń jalpy kezeńine joldama aldy. Al 2026 jylǵy maýsymda komanda UEFA Konferentsııa lıgasynyń jalpy kezeńine shyǵyp, el birinshiliginde kúmis júldeger atandy.
Bas bapker mindetin endi buǵan deıin «Qaırat-jastar» tizginin ustaǵan Jora Arýtıýnıan atqarady. Onyń jetekshiligimen komanda «Altaıǵa» qarsy aldaǵy matchqa daıyndalady.
