Rafael Nadal Monte-Karlodaǵy týrnırde 11-ret top jardy
ASTANA. QazAqparat - Rafael Nadal Monte-Karlodaǵy kásibı-tennısshiler qaýymdastyǵy (ATP) serııasynyń "Masters" sanatyndaǵy týrnıriniń jeńimpazy atandy.
Onyń syıaqy qory - €4,8 mln, dep habarlaıdy TASS.
Nadal fınalda japondyq Keıa Nısıkorıdi 6:3, 6:2 esebimen jeńdi.
Rafael maýsymdaǵy óziniń alǵashqy týrnırin ótkizip, óz sporttyq jolynda 76-ynshy ATP týrnırinde mereıi ústem boldy. Ispandyq 11-inshi ret (2005-2012, 2016-2018) Monte- Karlodaǵy bedeldi týrnırdiń jeńimpazy atandy. Ol bir ǵana ret, 2013 jyly eki sette serb Novak Djokovıchke jol berip jeńiliske ushyraǵan edi.
Sondaı-aq Úlken dýlyǵa týrnıri serııasynda Nadal 16 ret jeńis tuǵyryna kóterilgen. Tap qazirgi ýaqytta ıspandyq álemniń birinshi raketkasy ataǵyna ıe.
