Rafael Nadaldiń Astanaǵa sapary tolyqtaı demeýshilerdiń qoldaýymen júzege asyrylady
ASTANA. QazAqparat - Ortalyq kommýnıkatsııalar qyzmetinde ótken brıfıngte Qazaqstan tennıs federatsııasynyń atqarýshy dırektory Dıas Dosqaraev álemniń ataqty tennısshisi Rafael Nadaldiń Qazaqstanǵa kelýine qansha qalamaqy tólenetinin qupııa kúıinde qaldyrdy.
«Árıne, men bul somany aıta almaımyn, óıtkeni demeýshilerimizben arada kelisim bar. Bul jerde demeýshilerdiń múddesi bar ekenin umytpaýymyz kerek. Degenmen, Qazaqstan tennıs federatsııasynyń barlyq shyǵyndary bıýdjet qarajatynan emes, demeýshilerdiń qaltasynan shyǵatynyn aıta ketkim keledi», - dedi ol jýrnalısterdiń suraǵyna.
Onyń aıtýynsha, R.Nadal men Jo-Vılfrıd Tsonganyń Astanaǵa kelý sapary tolyqtaı demeýshilerdiń qoldaýymen júzege asyrylady. «ıAǵnı biz bıýdjet qarajatyn jumsap jatqan joqpyz. Munyń ózindik artyqshylyqtary da bar. Rafael Nadaldiń kelýimen bizdiń elimiz kóptegen maqsattaryna qol jetkizedi. ıAǵnı biz bul jerde elimizdiń álem kartasynda tanymal bola túsetindigin, bizdiń elimizge degen, sportymyzǵa degen qyzyǵýshylyq artatynyn aıtyp otyrmyz», - deıdi D. Dosqaraev.
Aıta keteıik, 24-25 qyrkúıekte Qazaqstanǵa túuńǵysh ret álemdik tennıstiń juldyzy Rafael Nadal keledi. Ataqty tennısshi Astanada jas tennısshilerge sheberlik sabaǵyn berip qana qoımaı, kórkem matchqa da qatysady. Onyń qarsylasy álemdik TOP-10 tennısshiniń qataryna kiretin frantsýzdyq sportshy Jo-Vılfrıd Tsonga. Oıyn 25 qyrkúıekte Astanadaǵy Ulttyq tennıs ortalyǵynda ótedi.
«Biz kórkem matchtyń álemdik deńgeıde bolǵanyn qaladyq. ıAǵnı oıynshy tym bolmaǵanda TOP-10-nyń quramynda bolsyn dedik. Álemniń úshinshi raketkasy - Sten Vavrınkamen, sondaı-aq, Rıshar Gaskemen, Gael Monfıspen kelissózder júrgizdik. Olardyń barlyǵy shaqyrtýdy qýana qarsy aldy. Alaıda belgili sebepterdi eskere otyryp, bizdiń tańdaýymyz sońǵy eki-úsh aıda keremet óner kórsetip, AQSh-ta chempıon atanyp, TOP-10-ǵa qaıta oralǵan frantsýzdyq Jo-Vılfrıd Tsongaǵa tústi. Sonymen qatar, ol R. Nadalmen óte jaqsy qarym-qatynasta jáne onyń oıyndary da kóńildi, jarqyn ári sapaly», - dedi federatsııa basshysy.
