Radıoelektronıka jáne baılanys: áskerı joǵary oqý oryn túlekteri dıplom aldy
Shara Máńgilik alaýǵa gúl shoqtaryn qoıý rásimimen bastaldy. Joǵary oqý ornyn bitirgen 122 túlekke leıtenant alǵashqy ofıtserlik ataǵy berildi. Olardyń segizi – úzdik dıplom ıegeri.
Beıinine qaraı áskerı oqý ornynda radıonavıgatsııa, radıotehnıka, ınjınırıng, avtomattandyrý, ınfokommýnıkatsııalyq tehnologııalar, aqparattyq qaýipsizdik jáne kıberqaýipsizdik júıeleri salasyndaǵy mamandar daıarlanady. Ofıtserler Qarýly kúshterdiń, basqa da áskerler men áskerı quralymdardyń áskerı bólimderine bólindi.
«Sender Otan qorǵaýshy degen naǵyz erlerge tán mamandyqty tańdadyńdar. Áskerı ınstıtýttyń qabyrǵasynda alǵan bilimderińdi qyzmette tabysty qoldanatyndaryńa senimdimin. Árdaıym ofıtser degen joǵary ataqqa laıyq bolyńdar», - dedi jas mamandarǵa Qorǵanys mınıstriniń orynbasary, general-leıtenant Sultan Qamaletdınov.
Jas ofıtserler saltanatty sherýmen júrip ótip, ınstıtýttyń jaýyngerlik týymen qoshtasý rásimin jasady. Ekinshi kýrs kýrsanttary qonaqtarǵa qarý-jaraqpen saptyq elementterdi kórsetti.
Qoshtasý valsinen soń jas ofıtserler bolashaqqa degen jaqsy úmittiń belgisi retinde áýege aq kógershinderdi ushyrdy.
