Radıoelektronıka jáne baılanys áskerı-ınjenerlik ınstıtýtynan 200 jas leıtenant túlep ushty (FOTO)
Bıylǵy jyly áskerı oqý ornyn 207 adam támamdaıdy», dep habarlaıdy QR Qorǵanys mınıstrliginiń baspasóz qyzmeti.
Ózderiniń úzdik bilimderin dáleldegen 4 leıtenant: M. Baekeshov, A. Hamıtov, A. Bralın jáne M. Smaılov altyn medal ıelendi. Sonymen qatar 13 túlek úzdik dıplom ıesi atandy. Instıtýtty aıaqtaǵannan soń bitirýshilerdiń barlyǵyna «ınjener» biliktiligi beriledi. Radıoelektronıka jáne baılanys áskerı-ınjenerlik ınstıtýtynda olar radıobaılanys pen radıo jelisiniń ashylýy, baılanys jelisi men kommýtatsııa júıesin, zenıttik-zymyrandy áskerlerdiń radıotehnıkasyn, radıotehnıkalyq áskerlerdi, QÁ ÁShQQ, avtomattandyrylǵan basqarý júıesin zerdeleıdi. Budan ózge, búgin Qurlyq áskerleriniń áskerı ınstıtýtyn kýrsanttar bitirýde. Búgin ınstıtýtty 368 ofıtser aıaqtaıdy, olardyń ishinde 18 kýrsant Qyrǵyz Respýblıkasynyń, al 8 kýrsant Tájikstan Respýblıkasynyń azamaty.
Osy oraıda 10 kýrsant úzdik dıplommen bitirdi, sonymen birge 2 qazaqstandyq jáne 1 Tájikstannyń ókili altyn belginiń ıesi atandy. «Búgin bizdiń oqý jolymyz aıaqtaldy. Maǵan bul ınstıtýtty bitirýshilerdiń biri bolý, QR Qarýly Kúshteriniń ofıtseri ataǵyn maqtanyshpen alyp júrýdiń ózi úlken qurmet. Qazirdiń ózinde birqatar túlekter iri áskerı bólimsheler men vedomstvolardy basqaryp, joǵary áskerı ataqtarǵa laıyqty bolyp otyr», - dedi Qurlyq áskerleri áskerı ınstıtýtynyń túlegi Erasyl Seıilhanov. Atalǵan rásimde qarýmen saptyq ádister kórsetilip, qol kúresi boıynsha kýrsanttardyń qoıylymy ótti. Іs-shara bitirýshilerdiń Jaýyngerlik týmen qoshtasýymen jáne leıtenanttardyń dástúrli valsimen aıaqtaldy.