«Radıo MM» efırdi jalǵastyrý úshin jylý jınaýdy bastady
ALMATY. QazAqparat - Almatyda «Radıo MM» stýdııasyn belgisiz bireýler tonap ketken bolatyn. Keleńsiz jaǵdaıdan soń efıri toqtap qalǵan radıo basshylyǵy jylý jınaýdy bastady, dep habarlaıdy QazAqparat tilshisi.
Bul týraly Feısbýktegi paraqshasynda júrgizýshi, Qazaqstan ınternet qaýymdastyǵynyń prezıdenti Shafkat Sabyrov habarlady.
«Dostar, stýdııa tonalǵaly beri materıaldy kómek kórsetemiz degen adamdar kóp habarlasyp jatyr. Qoldaý kórsetkenderińizge úlken rahmet aıtqymyz keledi. Kartochka arqyly jiberetin bolsańyzdar, Stýdııanyń «Innovatsııa men tehnologııalar ortalyǵy» qoǵamdyq qory rekvızıtin paıdalana alasyzdar... Al, qolma-qol qarjylaı kómekti radıo júrgizýshilerine berseńizder bolady. Kelgen ár kómektiń qalaı paıdalanylǵany týraly esep beremiz. Ár kómektesken adamdy efır júrgen kezde atyn atap ótetin bolamyz», - dedi ol.
Aıta ketý kerek, urlyq 5 qyrkúıekte bolǵan.
Qylmysker stýdııaǵa tańǵy 5-te terezeden kirgen. Kúzet dabylyn kúzetshiler estimegen syńaıly. Er adam ózin túsirip jatqan kameralardy baıqamaǵan. Túngi kameralarda onyń júzi anyq túsip qalǵan. Ury jalpy quny 2 mln teńgeniń múlkin, stýdııa jabdyqtaryn, kamera pýltterin alyp ketken. Tek mıkrafondardy dalaǵa laqtyryp ketken.
