Radıkaldy ıslamısterdiń paıda bolýyna batystyq rejımder jaýapty - Djordj Galloýeı
ASTANA. 25 sáýir. QazAqparat - Kaddafıdi taǵynan odan da beter zulym taıdyrdy. Bul týraly búgin Astanadaǵy Eýrazııa medıa forýmynda Ulybrıtanııa Parlamentiniń múshesi Djordj Galloýeı málim etti.
Onyń paıymdaýynsha, Sırııada jáne bunyń aldynda Lıvııada bolǵan jaǵdaıdyń traektorııasy AQSh-pen kelisilgen.
«Lıvııanyń burynǵy basshysy Mýammar Kaddafı álemdegi jaman basqarýshylardyń biri bolǵan shyǵar, biraq ta Kaddafıdi taǵynan odan da beter zulym taıdyrdy. Sonymen qatar Bashar Asadty Sırııadaǵy basshylyǵynan qulatatyn bolsa, bundaı áreketti odan da jaman adamdar isteıdi. Atap aıtqanda bundaıdy uıymdastyrǵandardy qubyjyq deýge bolady»,-dedi D. Galloýeı.
Onyń sózine qaraǵanda, radıkaldy ıslamısterdiń paıda bolýyna batystyq rejımder jaýapty. Osyǵan baılanysty ekstremızm degen uǵymdar paıda boldy.
