Radıatsııanyń qurbandary bolmaıdy - Japonııanyń atomdyq energııa jónindegi komıssııanyń eks-tóraǵasy Fýdjı-ıe Eoıchı
ASTANA. 29 naýryz. QazAqparat /Arman Asqarov/ - Qazirgi kezde Fýkýsıma atom elektr stansasyndaǵy jaǵdaı turaqtaldy. Onda eshqandaı radıatsııalyq qaýip joq. Sondyqtan men radıatsııanyń qurbandary bolmaıdy dep naqty aıta alamyn.
Búgin Qazaqstandaǵy atomdyq salany damytý máselelerine arnalǵan halyqaralyq konferentsııada Japonııanyń atomdyq energııa jónindegi komıssııanyń eks-tóraǵasy Fýdjı-ıe Eoıchı osyndaı mádimdeme jasady.
Onyń habarlaýynsha, qazirgi kezde atomdyq reaktorlardaǵy temperatýra 100 gradýstan tómen tústi. «Sondyqtan biz apattyń zardabyn aldyn alyp, ıod pen tsezıı sııaqty aýa arqyly taralatyn gazdardyń syrtqa shyǵýyna jol bermedik. Qazirgi kezde Fýkýsıma atomdyq stantsııalardaǵy jaǵdaı turaqtaldy. Onda eshqandaı radıatsııalyq qaýip joq. Sol sebepti men radıatsııanyń qurbandary bolmaıdy dep ashyq málimdeme jasaı alamyn», - dedi óz sózinde Fýdjı-ıe Eoıchı.
Sarapshynyń sózine qaraǵanda, jalpy Fýkýsıma apaty oryn alǵaly beri aımaqtaǵy radıatsııanyń deńgeıi ushaqpen kóterilgen kezdegi kórsetkishpen teń boldy. «Sondyqtan onyń adam densaýlyǵyna aıtarlyqtaı áseri boldy dep aıtýǵa bolmaıdy», - dep atap kórsetti Fýdjı-ıe Eoıchı.
