Radıatsııalyq, hımııalyq jáne bıologııalyq qorǵanys áskeri ofıtserleriniń jıyny aıaqtaldy

ASTANA. 9 naýryz. QazAqparat - Gvardııalyq garnızonnyń oqý ortalyǵynyń bazasynda Qazaqstan Qarýly Kúshteriniń Qurlyqtaǵy áskeriniń radıatsııalyq, hımııalyq jáne bıologııalyq qorǵanys ofıtserleriniń jıyny aıaqtaldy, dep habarlaıdy QR Prezıdenti janyndaǵy Ortalyq kommýnıkatsııalar qyzmenti Qorǵanys mınıstrliginiń baspasóz qyzmetine silteme jasap.

Bul jıyn negizgi pánder boıynsha bilimdi jetildirý men kásibı daıarlyq deńgeıin tekserý maqsatynda ótkizildi. On kún boıy Qurylyq áskeri jasaqtarynyń radıatsııalyq, hımııalyq jáne bıologııalyq qorǵanys qyzmetiniń bólim komandırleri men basshylary arnaıy, arnaıy-taktıkalyq, dene tárbıesi sabaqtaryna qatysty. Osy jáne basqa da pánder qazirgi zamanǵy urystaǵy radıatsııalyq, hımııalyq jáne bıologııalyq qorǵanysty josparlaý men uıymdastyrýdyń negizgi suraqtaryn qamtydy.

Jıyn barysynda ofıtserlerge radıatsııalyq, hımııalyq jáne bıologııalyq qorǵanystyń Qazaqstan áskerinde qabyldanǵan qarý-jaraq pen quraldardyń úlgileri tanystyryldy.

«Qarýly Kúshterdiń basshylyǵy RHB qorǵanys áskeriniń materıaldyq bazasyn damytý men jetildirýge úlken nazar aýdarady. Bizdiń quramalar men bólimder RHB qorǵanystyń qazirgi zamanǵy talaptarǵa jaýap beretin qarý-jaraqtary men quraldarynyń úlgilerimen qamtamasyz etilýde», - dep atap ótti Qurlyqtaǵy áskerdiń radıatsııalyq, hımııalyq jáne bıologııalyq qorǵanys áskeri basqarmasynyń bastyǵy, polkovnık Táttibek Samaev.