Radıatsııalyq ári ıadrolyq fızıkalyq qaýipsizdikke qaıta saraptama júrgizý tártibi aıqyndaldy
NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine atom energııasyn paıdalaný máseleleri boıynsha ózgerister men tolyqtyrýlar engizý týraly» zań jobasy maquldandy, dep habarlaıdy QazAqparatt tilshisi.
QR Energetıka mınıstri Nurlan Noǵaevtyń aıtýynsha, zań jobasy qoldanystaǵy zańnamanyń quqyqtyq qaıshylyqtaryn joıý, sondaı-aq belgili bir normalardy Atom energııasy jónindegi halyqaralyq agenttiktiń (AEHA) qaýipsizdik jónindegi halyqaralyq normalarǵa sáıkes keltirý úshin atom energııasyn paıdalaný salasyndaǵy zańnamalyq aktilerge ózgerister men tolyqtyrýlar engizýge baǵyttalǵan.
Bul úshin zań jobasynda mynalar qarastyrylady:
- «Atom energııasyn paıdalaný týraly» jáne «Halyqtyń radıatsııalyq qaýipsizdigi týraly» Qazaqstan Respýblıkasy Zańdarynyń normalaryn qoldaný kezinde ártúrli túsinýdi boldyrmaý maqsatynda termınologııa men uǵymdyq apparatty naqtylaý;
- Halyqtyń radıatsııalyq qaýipsizdigi salasyndaǵy memlekettik saıasatty sapaly iske asyrý, sondaı-aq ókilettikterdiń qaıtalanýyn boldyrmaý maqsatynda ýákiletti memlekettik organdardyń ókilettikteri men fýnktsııalaryn shekteý;
- Bilimdi tekserýden ótý rásimderin yryqtandyrý maqsatynda atom energııasyn paıdalaný obektilerinde jumys isteıtin personalǵa attestattaýdan qaıta ótý quqyǵyn berý;
- ıAdrolyq materıaldardy, radıoaktıvti zattardy jáne radıoaktıvti qaldyqtardy tasymaldaý kezinde ıadrolyq jáne radıatsııalyq avarııalarǵa apattyq ázirlikti jáne den qoıýdy reglamentteý;
- ıAdrolyq qondyrǵynyń júıelerinde, jabdyqtarynda, jobalaý jáne paıdalaný qujattamasynda ózgerister bolǵan jaǵdaıda ǵana ıadrolyq, radıatsııalyq, ıadrolyq fızıkalyq qaýipsizdikke qaıta saraptama júrgizý.
«Zań jobasy qabyldanǵan jaǵdaıda, tıisti quqyqtyq jáne áleýmettik-ekonomıkalyq aspektiler júzege asyrylady. Osy oraıda atom energııasyn paıdalaný salasyndaǵy qaýipsizdikti qamtamasyz etý jáne kyzmetti retteý bóliginde qoldanystaǵy zańnamadaǵy quqyqtyq qaıshylyqtardy joıý eskerilgen. Atom energııasy jónindegi halyqaralyq agenttiktiń qaýipsizdik boıynsha halyqaralyq talaptardy oryndaý qamtylǵan. Zań jobasyn qabyldaý keleńsiz áleýmettik-ekonomıkalyq jáne quqyqtyq saldarlarǵa ákelmeıdi, memlekettik bıýdjetten qosymsha shyǵyndar talap etpeıdi», - dedi N. Noǵaev.
