Radarmen tyǵylyp turatyn polıtseıler jumystan shyǵarylady - QR ІІM
ASTANA. QazAqparat - Júrgizýshilerden tyǵylyp, tasa jerden radarmen turatyn aılaker jol polıtseıleri jumystan shyǵarylady. Bul týraly búgin QR Іshki ister mınıstrligi Ákimshilik polıtsııa komıtetiniń basshysy Igor Lepeha málim etti.
«Biz o bastan polıtseılerge júrgizýshilerden tyǵylmaýdy buıyrǵanbyz. Bul jerde sóz polıtseılerdiń zańdy is-qımylyna qatysty. Aǵashtyń, dýaldyń, buryshtyń artynda tyǵylyp, keıin atyp shyǵatyn bolsa, onda biz ondaı is-áreketterge jol bermeımiz»,- dep atap ótti I.Lepeha QR ІІM-de ótken baspasóz máslıhatynda.
Onyń sózi boıynsha, osyndaı áreketter úshin birqatar polıtsııa qyzmetkerleri jumystan shyǵarylǵan. Olardyń qatarynda komandırler de bar.
«Atap aıtqanda, biz Almaty oblysynda tekseris jasadyq. Nátıjesinde, birqatar polıtseı atqaryp jatqan qyzmetinen bosatyldy, olardyń qatarynda tipti batalon komandırleri de bar», - deıdi ol.
